Интервју за Fingle [извадок]


[целосното интервју во Твој Клуб] [или пдф линк]

Имав можност да направам интервју со дечките од Game Oven, токму пред нивното објавување на Fingle.

Искрени честитки за лансирањето и многу успех, и нека бидат светол пример и за многу други!

1. Здраво Бојан! Добриот глас на далеку се слуша, па и ние слушнавме за Fingle. Можеш ли да ни дадеш кратка историја како настана Fingle?

Бојан Ендровски: Историјата на Fingle почнува во Април, кога со Адриан дискутиравме околу игра за двајца во која интеракцијата и забавата би се случувале надвор од екранот, а она што е на екранот би било само катализатор за тоа.
Некаде на крајот на летото целата визија за Fingle почна да се оформува. Тргнавме од груб прототип и полека го трансформиравме во едно комплетен искуство во следните месеци.
Едноствниот допир на прсти меѓу две личности е интимен момент иако ретко се гледа во тоа светло. Fingle е игра која го зема тоа како инспирација и остава на играчите да изградат искуство оттаму. Првиот дел од играта е интимен, а потоа полека бара се повеќе соработка и доверба за да завршат се’ потешки нивоа.
Резултатот e интимна игра. Можеби понекогаш сугестивна, но никогаш безобразна. Ова го оставаме на вашата имагиниција. Со визуелниот стил и музиката бевме сосема доследни и ја зајакнавме оваа формула.

2. Што првично те привлече во светот на развојот на игри?

Бојан Ендровски: Компјутерска графика ме интересираше од моментот кога го добив првиот компјутер.
Десетина години подоцна кога имав доволно теоретско знаење како сето тоа функционира од внатре, почнав да го помесувам фокусот кон интерактивна графика и игри. Игрите ти даваат ретка можност да креираш цели светови кои секој играч би ги видел и доживеал на свој начин. За мене ова беше повеќе од доволно.

Портфолио со неколку демо игри ми помогна да најдам работа во индустријата. Се одлучив за ZootFly во Љубљана, Словенија како прв голем чекор. Оттогаш без двоумење верувам дека го направив вистинскиот избор.

Advertisements

Консултант за бесна дневница


Во неколку последни читања на книги за претприемништво последните неколку години како BooHoo, Founders At Work, Rework и од неодамна Ahead of the Curve: Two Years at Harvard Business School се провејува една практика присутна на Запад која е сосема непостоечка во нашата мала фина балканска индустрија.

– Претприемачите додека да стигнат до ramen proftable, често се занимаваат со консултанство за да одржат ликвидност

– Студентите после дипломски или постдипломски студии најмногу понуди имаат да влезат на entry-position работа како консултанти за фирми кои се бават со оптимизација на бизнис процеси, реструктурирања и сл. Можеби е и логично како прва работа да се применуваат и согледуваат ефектите на учебникарските теоретски модели, а потоа тек да се навлезе во специјализирана работа во некоја индустрија.

Од друга страна, она што е мој впечаток за консултанство во Македонија во ИТ е дека се користи најчесто во имплементација на големи  (милионски) инвестициони проекти, најчесто консултантите се од странство, со тесно специјализирана експертиза и се скапи, а потекнуваат од ветеранска генерација на инженери кои поминале низ сито и решето во дадената проблематика.

Можеби одговорот е во големината и потребите на пазарот, не знам.

Свежа крв vs. ветеранство и учебник vs. искуство. Интересно.